Quppersagaq Kalaallit Nunaanni Kisitsisit saqqummerpoq

Naatsorsueqqissaartarfiup quppersagaq saqqummersittagaa nuannarineqarluartoq nunatsinnilu inuiaqatigiinnut tunngasunik imalik, massakkut oqaatsit pingasut atorlugit, saqqummersinneqarpoq.

 

Kalaallit Nunaanni Kisitsisit naatsumik paasiuminartumillu nunatsinni inuiaqatigiinnut tunngasut pillugit ilisarititsivoq, 2019-imilu tuluttut, qallunaatut kalaallisullu suliarineqarluni nutarterneqarpoq.

 

Quppersagaq 40-nik quppernilik paasissutissanik nutartikkanik imaqarpoq, assersuutigalugu peqqinnissamut, nunanut allanut niuernermut, takornariaqarnermut isumaginninnikku ikiorsiissutinut tunngasunik imaqarluni.

 

Tuluttuuunngorlugu suliarineqarnera Greenland in Figures, ukiut tamaasa takornariarpassuarnut Kalaallit Nunaannut tikittartunut nunaniillu allaniit tikeraanut kiisalu attaveqarfigisartakkanut nunarput pillugu paasissutissiinermut tulluarsagaavoq. Taamaattumillu quppersagaq ullutsinni Kalaallit Nunaannut pissutsinut oqimaaqatigiissaakkamik paasissutissiinermut tulluartuuvoq.

 

Tuluttut naqitanngorlugu piniarneqarsinnaavoq, inniminniinermilu nassiunnera kisimi akilerneqassaaq. Kalaallisut aamma qallunaatut suliarineqarneri Naatsorsueqqissaartarfiup nittartangaani www.stat-gl –imi pdf fil-itut aaneqarsinnaapput.

 

Tuluttut suliarineqarnera e-maili: stat@stat.gl imaluunniit oqarasuaat +299 34 57 70 atorlugit piniarneqarsinnaavoq, tassani nassiussivissaq piniakkallu amerlassusii nalunaarutigineqassapput.

 

Annertunerusumik paasisaqarusuttut paasissutissalerisunut attaveqarsinnaapput, oqarasuaat 34 57 83 imaluunniit 34 57 78 kiisalu e-maili: stat@stat.gl atorlugit.